Материалдарды жіберу

Авторларға арналған нұсқаулық

«Тіл білімі» журналына қойылатын талаптар

Тақырыптық бағыттар: Тіл білімі және лингвистика; Түркітану.

Редакция бұрын басқа басылымдарда жарияланбаған мақалаларды қабылдайды. Мақалалар қазақ және ағылшын тілдерінде қабылданады.

Ресімдеу

• Қаріп – Times New Roman; негізгі мәтін – 14 пт; аңдатпа, тірек сөздер, әдебиеттер – 12 пт; кесте мәтіні – 9–11 пт.
• Тегістеу – мәтін ені бойынша; жоларалық интервал – 1; абзацтық шегініс – 1,25 см.
• Өрістер: жоғарғы – 2 см, төменгі – 2,5 см, сол жақ – 3 см, оң жақ – 1 см.

Мақала құрылымы (11 бөлім)

1. ҒТАХР (Ғылыми-техникалық ақпараттың халықаралық рубрикаторы) нөмірі – мақала бағыты мен тілі бойынша, https://grnti.ru/.
2. DOI – сол жақ шетінде, 12 пт, қалың әріппен (редакция қояды).
3. Мақала атауы – бір жол тастап, ортасына, бас әріптермен, мақала тілінде, 14 пт қалың қаріппен. Атау қысқа әрі мазмұнды, 5–10 сөзден тұрады. Атау қазақ, ағылшын және орыс тілдерінде ұсынылады.
4. Автор(лар) – авторлар саны 2-ден аспайды; корреспонденцияға жауапты автор «*» белгісімен көрсетіледі. Бір жол төмен, ортасында, 14 пт: аты-жөні, ұйымның толық атауы, қаласы, мемлекеті, ORCID ID, e-mail.
5. Аңдатпа – бір жол тастап, абзацтан (1,25 см), 12 пт, мақала тілінде, көлемі 150–300 сөз. Аңдатпа зерттеудің қысқаша мазмұнын береді және оқырманға мақаланың мәнін тез түсінуге көмектеседі.
6. Тірек сөздер – бір жол төмен, абзацтан (1,25 см), 12 пт, кемінде 8 сөз.
7. Мақала мәтіні – бір жол тастап, келесі бөлімдер ретімен:
   • Кіріспе – тақырыптың таңдалу негіздемесі мен өзектілігі, оның теориялық немесе практикалық маңыздылығы.
   • Материалдар мен әдістер – материалдар мен жұмыс барысының сипаттамасы және қолданылған әдістердің толық сипаттамасы.
   • Нәтижелер және талқылау – зерттеу нәтижелерін талдау, алдыңғы жұмыстармен салыстыру және қорытындылар.
   • Қорытынды – жұмысты қорытындылау, ұсынылған тұжырымның ақиқатын растау, әрі қарайғы зерттеу мүмкіндіктері. Қорытынды дерексіз болмауы тиіс.
8. Қаржыландыру туралы ақпарат (бар болса) – сол жақтан 1,25 см абзацпен, қалың, 14 пт.
9. Әдебиеттер тізімі – мәтіннен кейін бір жол тастап, ортасына, 12 пт, қалың, бас әріптермен, мақала тілінде:
   • дереккөздер саны 10–15;
   • мәтіндегі сілтемелер тік жақшада, нөмірлеу ретімен беріледі: [1] немесе [1, 29-б.];
   • интернет-ресурстар үшін толық библиографиялық мәлімет, мекенжайы және қолданған күні көрсетіледі;
   • журналда бұрын жарияланған мақалаларға, сондай-ақ Scopus және Web of Science дерекқорларындағы материалдарға сілтеме жасау ұсынылады;
   • әдебиеттер ГОСТ 7.1-2003 бойынша рәсімделеді.
10. Транслитерацияланған әдебиеттер тізімі (REFERENCES) – бір жол тастап, «REFERENCES» сөзі ортасына, 12 пт, қалың, бас әріптермен. Қазақ тіліндегі мәтінді латын қарпіне qazlat.kz, орыс тіліндегісін translit.ru сайтында көшіруге болады. Мақала ағылшын тілінде болса, транслитерация қажет емес; қазақ немесе орыс тілінде болса, міндетті.
11. Бастапқы құрылымдық бөліктерді қайталау – бір жолдан кейін мақала атауы, автор(лар), аңдатпа және түйін сөздер қайталанады: мақала қазақ тілінде болса – ағылшын тілінде, ағылшын тілінде болса – қазақ тілінде.

Иллюстрациялар

• Суреттер, кестелер, графиктер мен диаграммалар жалпы көлемнің 20%-нан (кей жағдайда 30%-нан) аспауы тиіс және мәтін ішінде беріледі.
• Кестелер мен графикалық материалдардың мәтіні Times New Roman, 9–11 пт; олар нөмірленеді және атауы болады. Атауы кестенің үстінде, жолдың ортасына жазылады.

Автор туралы мәлімет

Әр автор туралы мәлімет қазақ және ағылшын тілдерінде ұсынылады: толық аты-жөні; атағы; ғылыми дәрежесі; қызметі; жұмыс орны; қала; ел; e-mail; ұялы телефон нөмірі.